ഒരിടത്ത് ഒരു കെട്ടിടം പണിക്കാരൻ ഉണ്ടായിരുന്നു..ഹ്യദയവിശുദ്ധിയും വിശാല മനസ്കനുമായ അയാൾ ഒരു അനാഥ പെണ്ണിനെ വിവാഹം കഴിച്ചു...ഒന്നുമില്ലാതെ അനാഥാലയത്തിൽ വളർന്ന അവൾക്ക് എന്തിനോടും ആർത്തിയായിരുന്നു..ഭക്ഷണത്തിനോടും,ആഭരണത്തിനോടും,വസ്ത്രങ്ങളോടുമൊക്കെഅവൾക്ക് വല്ലാത്ത ഭ്രമമായിരുന്നു..അയാളാവട്ടെ അവൾ ഒരു അനാഥ ആയതു കൊണ്ടും ,അവർക്കു കുട്ടികൾ ഇല്ലാത്തതു കൊണ്ടും അവളെ വല്ലാതെ സ്നേഹിക്കുകയും,ഇഷ്ടങ്ങളൊക്കെ സാധിക്കുകയും ചെയ്തു പോന്നു....
ദിവസകൂലിക്കാരനായ അയാൾ കിട്ടുന്ന കാശൊക്കെ അവളെ ഏൽപ്പിച്ചു...അവളാകട്ടെ അവളുടെ ആവശ്യങ്ങളെല്ലാം നടത്തി പോന്നു...അങ്ങനെയിരിക്കെ അയാൾക്ക് ഒരപകടം പറ്റി..അയാൾ വീട്ടിലിരുപ്പായി...ചികിത്സക്കു തെന്നെ നല്ലൊരു തുക ചിലവായി....പോകെ പോകെ അവരുടെ കാര്യങ്ങളെല്ലാം അവതാളത്തിലായി...നിത്യ വൃത്തിക്കു പോലും വകയില്ലാത്ത ആ സമയത്ത് അയാളുടെ ഒരു ബന്ധു അവരെ സന്ദർശിക്കാനെത്തി...അയാൾ ഭർത്താവിനോടു പറഞ്ഞു..
'' എടാ..നിന്റെ കാര്യമാ ഇപ്പോൾ നാട്ടുകാരു പറയുന്നേ...നീ ഇങ്ങനൊരു കോന്തനായി പോയല്ലോ...കിട്ടുന്ന കാശൊക്കെ അവൾക്ക് ധൂർത്തടിക്കാൻ കൊടുത്തു.ഇപ്പോൾ ഒരാവശ്യം വന്നപ്പോ കണ്ടില്ലേ ...കഷ്ടം തെന്നെ...'' ...
എന്നാൽ ഭർത്താവു കൊടുത്ത മറുപടി ഇതായിരുന്നു...
''അവൾ എന്റെ ഭാര്യയാണ്..ഈ ലോകത്ത് അവൾക്ക് ഞാനും എനിക്കവളും മാത്രമേയുള്ളൂ...അവളുടെ സന്തോഷങ്ങളിൽ ഞാൻ സന്തുഷ്ടനായിരുന്നു...അവളുടെ ആഗ്രഹങ്ങൾ നടത്തി കൊടുക്കാൻ ഞാനല്ലാതെ മറ്റാരുമില്ലല്ലോ...അതു കൊണ്ടെനിക്ക് കുറ്റ ബോധമില്ല..'' ഈ മറുപടി കേട്ട ബന്ധു ..''നീയനുഭവിച്ചോ '' എന്നും പറഞ്ഞ് എണീറ്റു പോയി. ഈ സംഭാഷണം അവിചാരിതമായി അവൾ കേട്ടു...അവളുടെ കണ്ണുകൾ നിറഞ്ഞൊഴുകി...
പിറ്റേന്ന് അവൾ ഭർത്താവിനോടു പോലും പറയാതെ ഒരു സ്ഥലം വരെ പോയി . തിരികെ വന്ന് ഭർത്താവിന്റെ കൈയ്യിൽ ഒരു ബാഗ് കൊടുത്തു ...അയാൾ ആശ്ചര്യത്തോടെ അതു തുറന്നു നോക്കി...അതു നിറച്ചും പണമായിരുന്നു... അയാൾ വെപ്രാളത്തോടെ അവളോട് ഇതെവിടെ നിന്നും ലഭിച്ചു എന്നന്ന്വേഷിച്ചു...
അപ്പോൾ അവൾ അയാളെ കെട്ടിപിടിച്ച്, മൂർദ്ദാവിൽ ചുംബിച്ചു കൊണ്ടു പറഞ്ഞു...
''ചേട്ടൻ പേടിക്കണ്ട ,ഇതു ചേട്ടന്റെ കാശു തെന്നെയാണ്. എന്നും എന്നെ ഏൽപ്പിക്കുന്ന കാശിൽ നിന്നും ഞാൻ അല്പ്പം മാറ്റി വെച്ച് ഒരു ചിട്ടി വെയ്കുന്നുണ്ടായിരുന്നു...ആ പൈസയാണ് ഇത്....''
അയാൾ ക്ക് സന്തോഷം അടക്കാൻ കഴിഞ്ഞില്ല....ഇരുവരും,,,,പരസ്പരം പുണർന്ന് കരഞ്ഞു.....സന്തോഷം കൊണ്ട്....താൻ തോറ്റു പോയില്ലല്ലോ എന്നു ഭാര്യയും,തന്നെ തോൽപ്പിച്ചില്ലല്ലോ എന്നു ഭർത്താവും ഓർത്തു കൊണ്ട്....
ദാമ്പത്യം ...പവിത്രമാണ്....നിഷ്കളന്കമായി എന്തും നിങ്ങൾ പന്കാളിക്കു കൊടുത്തു നോക്കൂ തിരിച്ചു കിട്ടും ഉറപ്പ്...